Kryeministri Edi Rama, po zhvillon sot konferencën e fundvitit me gazetarët.
Gjatë fjalës së tij, Rama e cilësoi moment tejet domethënës për vitin që lëmë pas, çeljen e negociatave me Bashkimin Evropian.
Tejet i rëndësishëm sipas tij është edhe plani i rritjes së BE-së që u mundëson vendeve të Ballkanit Perëndimor financime të majme në vijim, por edhe avantazhe të tjera.
“Po e nis me, çelja e negociatave është fakti më domethënës i 2024. ky proces i jashtëzakonshëm për nga volumi i punës, intensiteti dhe cilësia do të ishte i pamundur nëse një skuadër e madhe kombëtare e Shqipërisë e qindra e qindra punonjës të administratës publike nuk do të kishin bërë më parë punën e shkëlqyer me procesin screening, diagnozën, vlerësimet befasuese të komisionit evropian të qeverive që ishin tipikisht përfaqësuese të vendeve më skeptike, janë një fakt shumë domethënës për çka është bërë gjithë këto vite dhe çka është bërë vërtetë administrata, e cila as nuk përfaqësohet, as nuk interpretohet as nuk shpjegohet në rastet e atyre punonjësve të administratës që për një arsye apo një tjetër nuk e nderojnë administratën tonë, nuk e nderojnë flamurin tonë dhe bëhen objekt qoftë i ekspozimeve të sjelljeve dhe veprimeve të tyre të padenja nga mediat, qoftë i drejtësisë, por nëse shohim dy anët e kësaj medalje për shkak të këtyre ekspozimeve për publikun, është në fakt një pjesë shumë e vogël dhe domethënëse për të kuptuar nivelin e drejtimit, administrimit të punëve të administratës.
Shqipëria ka dalë pas 29 viteve nga faza e monitorimit të KiE, nuk jemi më vend nën monitorim të plotë, por njësoj si të gjitha ato vende që duam të bashkohemi në familjen evropiane. Shqipëria është bërë nxitësi dhe ia ka dalë të shtyjë edhe të bëjë të mundur duke u futur në bashkëpunim edhe me vendet e tjera të rajonit, jo vetëm një dialog të pandodhur më parë mes komisionit evropian vendeve anatare dhe vendeve kandidate, nga ku doli si rezultat konkret plani i ri i rritjes.
Jemi si të gjithë ato vende që duan të bashkohen me familjen europiane brenda kësaj dekade.
Shqipëria ia ka dalë të shtyjë dhe të bëjë të mundur, duke bashkëpunuar edhe me vende të rajonit, jo vetëm një dialog të pandodhur më parë mes Komisionit Europian, vendeve anëtare e vendeve kandidate, nga ku doli si rezultat konkret plani i ri i rritjes. E them me shumë krenari, ka qenë proces jo i lehtë, ka qenë këmbëngulje e vazhdueshme me kontakte, takime.
Ne tashmë kemi një instrument të ri financiar, kun ë periudhën nga sot deri në 2027-ën do të thithim rreth 1 mld Euro plus dhe kemi njëkohësisht edhe dritën jeshile për t’u bashkuar me familjen europiane në disa segmente të funksionimit të Europës së Bashkuar”, tha Rama.
