Kryeministri Edi Rama shprehet i bindur se Shqipërisë do t’i hapen negociatat me Bashkimin Europian, por megjithatë ai ka thënë se duhen pritur rezultatet e zgjedhjeve për Parlamentin Europian.
Gjatë fjalës së tij në kuadër të Javës së Europës, Rama tha se nuk do të bëhet fushatë me shqiptarët, sikurse është bërë në të shkuarën me bullgarët.
“Duhet të presim ditën, përfundimin e zgjedhjeve europiane dhe në cfarë pozicioni gjenden vendet anëtare. Aq e vërtetë është kjo saqë KE vendosi ta nxjerrë raportin në 25 maj. Se lidhet me Shqipërinë? Jo. Po që mos bëhej fushatë me shqiptarët, sikur e kanë pasur më parë bullgarët. Askush nuk e di çfarë do të vendoset në qershor, por jam i bindur që ky është viti që të gjitha rrethanat do të jenë aty për të çelur negociatat. Të gjithë ambasadorëve ju them bëni atë që mundeni, që të mos lejoni që loja me negociatat të kthehet në një lojë me zjarrin në vendin tonë. Vendet tuaja kanë në dorë që të hapen negociatat, që për arsye politike një palë apo një tjetër të marrin peng publikuan dhe të vështirësojnë vështirë për të hedhur si zjarr në betejën politike”, tha kryeministri Edi Rama.
Ai shtoi se KE-ja dha sinjale pozitive për Shqipërinë, gjë që sipas tij tregon se janë bërë “detyrat e shtëpisë”./Opinion.al
