Edi Rama gjatë një bashkëbisedimi me banorët e Buçimasit në Pogradec, ka vijuar të bëjë skanerin e njerëzve të Partisë Demokratike dhe asnjë fjalë për programin e tij për 4 vitet e ardhëshme.
Ndërsa ka komentuar Berishën dhe Bashën, për të partin Rama mendon se është më i miri që ka patur PD-ja (dhe këtu padiskutim i flet e pandërgjegjshmja), ndërsa edhe pas dy javësh ai ende vazhdon të jetë i mahnitur nga takimi me Lulzim Bashën, jashtë kamerave: “Kur e shikon shkollë i shton një zero, ka bërë 14 dhe thotë 140. Me km, aty ja fut pastaj, sa më shumë plaket aq më e madhe i duket Shqipëria, edhe aq më shumë km i shtohen. Ai ka mbaruar punë, ka ikur në shtëpi, km vazhdojnë dhe shtohen që i ka bërë ky. Dhe imagjinojeni, ky është më i miri që ka PD.Tani është Luli që do ti bëjë të tëra.Kur donte të bëhej kryetar bashkie dilte me bukë në dorë, mjeshtër, artist, ai është artist.Unë që e kam parë nga afër, pa kamera, ai është artist komplet. Kur ndizet kamera dhe del në ekran është njeri tjetër komplet”
Po për kë duhet të votojnë pogradecarët në 25 Qershor sipas Edi Ramës. Për këtë ai ka thërritur në kauzë të shkrimtarin e ndjerë dhe ndritur të Pogradecit, Lasgush Poradecin ndërsa deklaroi se: “Imagjiononi vetëm kaq, sikur të pyesni Lasgushin, o Lasgush kë të votojmë me datë 25? Imagjinojeni vetë se çfarë do tu thoshte Lasgushi.Mendojeni vetë. Por që nuk do të thoshte Fariun njëherë kjo nuk diskutohet fare. Që nuk do thoshte ato partitë tjera që vinë për vota dhe kthehen për zyra nuk diskutohet.Jua thashë në Kolonjë, vendi i Fan Nolit, vendi i motrave Qirjazi, u thashë po ti pyesni motrat Qirjazi kë të votojmë Elisën apo atë feudalin e Leskovikut, se çështë njëri atje ka qenë nja 300 vjet kryetar fshati, çfarë do të thoshin motrat Qirjazi, shko tek feudali se ndriti? Duhet votuar për të investuar tek skuadra më e mirë”.
