Kryeministri Edi Rama i ka bërë kërkesë për dialog kreut të PD-së, Lulzim Basha.
Nëpërmjet një statusi ne facebook ai ka shprehur gatishmërinë të bisedojë me të kreun e opozitës Lulzim Basha, për kushtet e opozitës.
Rama i shkruan Bashës se mjafton që ai të caktojë kohën dhe vendin, dhe kryeministri është i gatshëm për dialog. “Lulëzim ta kam thënë kaherë, jam i gatshëm për dialog sa herë PD do dialog dhe për gjithçka, kudo e kurdo! Caktoje vetë vendin dhe orën”, shkruan Rama.
Kujtojmë se ky mesazh vjen pas dy ditësh të ngarkuara, kur aleati i deritanishëm i Ramës në qeveri Ilir Meta, bëri një kthesë të papritur dhe tha se nuk merr pjesë në zgjedhje pa opozitën.
