Kreu i Partisë Demokratike, Sali Berisha ka zhvilluar sot një takim me demokratët e Malësisë së Madhe.
Gjatë fjalës së tij, Berisha është ndalur tek replikat mes Lulzim Bashës dhe kryeministrit Edi Rama, në rrjetet sociale.
Berisha i cilësoi ato si një “gili-vili” e përditshme dhe sipas tij, kjo përballje tregon keqpërdorimin e opozitës nga Basha.
“A e shikoni çfarë ndodh me Lulzim Bravën, gili vili përditë me Ramën. A ka keqpërdorim më të madh se ky? Është keqpërdorim. Ishin rrethanat që më imponuan të kthehem. Që të kthehem më i sigurt se kurrë. Berisha nuk e bën këtë betejë për veten apo për familjen, por për Shqipërinë Madhështore, që vendi të ecë e sigurt drejt Bashkimit Europian. E bëj këtë betejë për shqiptarët, që rrogat të jenë më të mira dhe cilësia e jetesës të rritet”, tha ndër të tjera ai.