Një luftë mediatike është zhvilluar këto dy ditë përsa i përket autorësisë së fanellave të reja të Kombëtares Shqiptare. Nga njëra anë qëndron Kryeministri, i cili pretendon se ishte ideator i fanellës.
Por, nga ana tjetër është Pik Creative ajo që ka nxjerrë bllof Ramën me një postim në Facebook.
“Ti Shqipëri më jep nder!
Uniforma historike e Kombëtares së Futbollit për EURO 2016, ideuar dhe dizenjuar nga PIK Creative.
Fanela e re, Triumfi, mbart mbi vete elementët tanë kombëtarë, të sjellë në mënyrë moderne, por pa e humbur identitetin e lavdishëm.”, shkruhet në këtë postim të rishpërndarë, i cili është publikuar fillimisht në fund të janarit dhe që hedh poshtë të gjitha aludimet e Kryeministrit se është ai autor i fanellave të Kombëtares.
