Ish-deputeti i LSI-së, Ralf Gjoni ka dalë nga Prokuroria e Posaçme pas më shumë se 3 orë brenda ambienteve të SPAK.
Ai ka refuzuar të jepte shpjegime para gazetarëve, duke u përgjigjur shkurtimisht se u thirr në Prokurorinë e Posaçme jo si një person nën hetim, por në cilësinë e personit të angazhuar në pozicione shtetërore.
“Për disa funksione mund të them, në cilësinë e të angazhuarit në angazhime dhe pozicione shtetërore. Jo si person nën hetim. Nuk ka ndonjë arsye për të më hetuar mua”,-tha ish-deputeti pasi doli nga SPAK.
Kanë lidhje me dosjet e ish-Presidentit Meta?
“Jo nuk kam qenë pjesë e dosjes së tij sepse nuk kam qenë në kontakt me Metën në kohën e Presidencës.
Nuk nxjerr asnjë detaj tjetër. Për angazhimet e mia në vite dhe nuk mundem t’i diskutoj”,-u shpreh ai.
