Radhë të gjata të emigrantëve shqiptarë që kaluan me familjarët festat e fundvitit dhe tani po kthehen në vendet e tyre të banimit në Greqi, janë krijuar ditën e sotme në pikën e kalimit kufitar të Kapshticës.
Shkak për orët e gjata të pritjes është bërë pala greke që punon me sportele të reduktuara në hyrje.
Radhët janë krijuar më së shumti në tokën neutrale, aty ku policia kufitare shqiptare i ka vendosur mjetet deri në 5 korsi në pritje për të kaluar në anën tjetër të kufirit.
Aktualisht, pala shqiptare punon me 4 sportele në dalje e 3 në hyrje, ndërkohë që grekët punojnë me 2 sportele një hyrje e një në dalje.
Vetëm ditën e sotme kanë kaluar kufirin me Greqinë më shumë se 3700 shtetas shqiptarë dhe të huaj, ndërkohë që një ditë më parë ishin mbi 5000 shtetas.
