Radhë kilometrike janë shënuar ditën e sotme në autostradën Tiranë-Durrës, pavarësisht lajmërimit nga Autoriteti Rrugor Shqiptar se punimet në rrugë do të mbaronin ditën e sotme në orën 14:00.
Në videon e publikuar nga Opinion.al, tregohet se punimet në rrugë ende nuk kanë përfunduar, ndërsa automjetet kanë qëndruar në trafik më shumë se një orë.
Autoriteti Rrugor Shqiptar dhe Policia Rrugore, të enjten, njoftoi se punimet e fundit, në aksin Maminas-Sukth-Shkozet, do të përfundojnë nesër në mesditë, por siç duket drejtuesve të mjeteve u është dashur të ballafaqohen me një situatë të rëndë dhe të paparashikuar.
