Vëllai i futbollistit të Skëdërbeut, Tefik Osmani, i cili u aksidentua ditën e djeshme ndërsa ra nga tribuna gjatë festimit të golit gjatë ndeshjes Skënderbeu-Flamurtari, vazhdon të jetë në kujdesin intensiv të mjekëve. Sikundër mësohet menjëherë ai është dërguar drejt spitalit të Korçës për kontroll, ndërsa sot është dërguar me helikopter drejt Spitalit të Traumës në Tiranë për një kontroll më të specializuar. Edhe pse gjendja e tij është më e stabilizuar ekipi i mjekëve të spitalit të Korçës, ka menduar që ta çojë në kryeqytet për një vizitë më të detajuar.
