Një 86-vjeçare ka humbur jetën ditën e sotme në fshatin Shkopet, shumë pak metra larg digës së Hidrocentralit.
Mësohet se e moshuara ka rënë aksidentalisht në ujërat e lumit Mat pasi ka humbur ekuilibrin. Në vendin e ngjarjes ka mbërritur autoambulanca, ndërsa trupi i pajetë është nxjerrë nga banorët e zonës.
“Mesditën e sotme, në ujërat e lumit Mat, është gjetur trupi i pajetë i shtetases 86 vjeçe, banuese në Shkopet, e cila dyshohet se ka rënë aksidentalisht në ujë, ndërkohë që po kalonte urën në fshatin Shkopet. Grupi hetimor po punon për sqarimin e rrethanave të ngjarjes.”, thuhet në njoftimin e policisë.
