Një qytetare në Shkozë ka denoncuar shoqërimin në komisariat të një fëmijë 12 vjeç pasi u përfshi në përpjekjet e familjarëve të tij për të mbrojtur shtëpinë nga shembja.
Në takimin me deputeten e zonës, Grida Duma, qytetarja e tensionuar tha se fëmija prej katër orësh mbahet në ambientet e rajonit dhe ndodhet në gjendje të rëndë psikologjike.
Banorët dhe deputetja demokrate kanë njoftuar se do të drejtohen për te Komisariati nr.1 ku mbahet i mbyllur fëmija dhe shumë banorë të zonës, të cilët bllokuan sot rrugën në shenjë proteste.
Ndërkohë, pamje të rënda u shpërndanë nga televizionet pasditen e sotme, ku fëmijët ulërisnin të tmerruar nga përplasja e policisë me familjarët e tyre.
