Shumë komentues online e kanë cilësuar një mediatizim të tepruar mbulimin që i është bërë në media aktit vetërvrasës të Klea Shytit. Sipas komentuesve, publikimi i dëshmive të miqve, ish- të dashurit dhe nënës së saj është cënim i një çështje personale familjare me të cilën nuk duhet abuzuar.
Disa të tjerë e kanë quajtur publikimin e fotove të vajzës që vrau veten, shkelje mbi kujtimin e saj.
“Lëreni të prehet e qetë”, shkruanin lexuesit në artikujt e portaleve online duke theksuar se Klea nuk duhej gjykuar nga media, nga njerëz që nuk e njihnin, që nuk kishin qënë asnjëherë pranë saj.
Por të tjerë lexues janë munduar ta komentojnë aktin e Klea Shytit në aspektin social. Disa mendonin se ky ishte një akt dobësie nga vajza. Për qytetarët, veprimi duhej parë si shenjë e problemeve sociale që ka rinia shqiptare.
Në portalin anabel.al pati një reagim që i dedikohej botës emocionale të vajzës dhe mesazheve që rridhnin nga personaliteti i saj.
“Ndoshta ka qenë një dashuri e humbur, por ndoshta ajo ka qenë jehona e mundësive të humbura për të qenë vetvetja, në një vend ku të gjithë janë si dikush tjetër, që nuk e di kush është”, shkruhej në portalin e Annabel.
Grupe virtuale dhe fanpage në facebook e morën historinë e Kleas si shembullin e një veprimi që nuk duhej kryer kurrë, duke shpërndarë për të rinjtë mesazhin se s’provat duhen kaluar duke e dashur më shumë veten.
Por nuk munguar as postimet e pafundme të miqve të saj që e kujtonin Klea Shytin si “vajza e poezive”.
“Më vjen keq që mërzia të mposhti dhe bëre një veprim të pa menduar mirë”, shkruante një nga miqtë e saj.
Për të tjera komunitete virtuale në facebook si “Fjala e lirë”, media po kryqëzonte pa të drejtë ish-të dashurin e studentes.
Një reagimi emocional erdhi nga një prej pedagogëve të Klea Shytit, Reila Bozdo, e cila e kujtonte vajzën si një studente ekselente të ekonomikut. Sipas Bozdos, vetëvrasja e Kleas është shenjë e dështimit të shoqërisë sonë, sepse “Klea e mirë nuk mundi t’i shihte të mirët mes nesh që të mund të jetonte me optimizëm”.
