TIRANE- Qytetarët protestojnë sot kundër rritjes së çmimit të biletës me 10 lekë. Ata po grumbullohen tek Ushtari Panjohur, për të marshuar më pas drejt Bashkisë së Tiranës. Qytetarët janë organizuar në rrjetet sociale për të dalë në protestën e sotme.
Bashkia e Tiranës më 31 Dhjetor në mbledhjen e Këshillit Bashkiak vendosi të miratojë kërkesën e kompanive private për rritjen e çmimit të biletës dhe të aboneve. Ky vendim është kundërshtuar për një muaj me radhë por askush nuk e mori parasysh. Sot më 1 Shkurt hyri në fuqi vendimi dhe nga sot qytetarët e Tiranës duhet të shpenzojnë më shumë për të ecur me urbanë në kryeqytet. Opinion.al
