Institucionet shtetërore po lajmërojnë vende të lira pune në mandatin e dytë qeverisës së Edi Ramës kur PS qeveris pa LSI-në. Disa institucione publikojnë njoftime në faqet e tyre online, dhe ndër to është edhe Qendra Spitalore Universitare “Nënë Tereza”.
Tetë vende vakante janë në QSUT për Specialist “Koordinator me Pacientin” pranë Poleve të Administrimit të Integruar.
Personat e interesuar duhet të dorëzojnë CV dhe dokumentat përkatëse sipas kritereve të mëposhtme:
Kritere të përgjithshme:
Arsimi: Të ketë mbaruar arsimin e lartë. Preferohet Fakulteti i Shkencave Mjekësore Teknike. Diplomat të cilat janë marrë jashtë vendit, duhet të jenë njohur paraprakisht pranë institucionit përgjegjës për njehsimin e diplomave, sipas legjislacionit në fuqi.
Përvoja: Preferohet me përvojë në pozicione të ngjashme apo në Shërbime Mjekësore
Njohuri dhe aftësi: Njohuri të gjera të funksionimit të sistemit shëndetësor dhe atij spitalor në veçanti. Njohuri të mira të paketës Microsoft Office. Aftësi shumë të mira koordinuese dhe informuese. Aftësi të shkëlqyera komunikimi dhe prezantimi. I aftë të punojë në grup.
Aplikimet pranohen nga data 02.10.2017 deri më datë 16.10.2017.
Depozitimi i aplikimeve do të bëhet pranë zyrës së Marrëdhënieve me Publikun në Drejtorinë e QSUT.
Të gjithë kandidatët fitues do të rivlerësohen në fund të kontratës 3(tre) mujore për respektimin e rregullores, etikës, përkushtimit dhe aftësive profesionale.
