Qindra te burgosur shqiptarë, qe jane ne burgjet e mbipopulluara te Anglise e qe duhet te ishin kthyer tashme ne vendin e tyre pas nje pakti mes dy shteteve vazhdojne te jene ende pas hekurave.
“The Sun” shkruan sot se marrëveshja e nënshkruar në vitin 2013 duhej të shpëtonte taksapaguesit angleze me se paku 2.5 milionë paund dhe fillimisht do transferonte më shumë se 100 të burgosur shqiptarë, por media angleze raporton se vetem 23 janë kthyer.
Shumë prej tyre e kanë kundërshtuar transferimin, duke iu referuar të drejtave të njeriut. Ata pretendojne se duhet te qëndrojnë ne Angli pavarësisht se kane mashtruar ne emer te azilit, duke u hequr sikur jane refugjatë kosovarë.
“Shifrat e fundit regojnë se janë 716 të burgosur shqiptare në Britaninë e Madhe, shumë prej tyre të dënuar për vrasje, përdhunim dhe shpërndarje droge kanë dënime afatgjata”- shkruan media britanike.
Ajo i referohet edhe nje bisede mes zyrtareve te Ministrisë së Drejtësisë qe diskutuan për kete problem me homologët e tyre në Tiranë. Ne fokus ishte gjetja e rruges se si te shpejtoheshin procedurat per te bere tranferimet ne emer te kursimit te taksapaguesve angleze.
“Qeveria britanike kërkon që më shumë të burgosur të huaj të kryejne dënimet e tyre në vendin e tyre. Do të vazhdojmë të punojmë me qeveritë e tjera për të ndarë praktikat më të mira, për të përmirësuar standardet dhe për të shpëtuar paratë e taksapaguesve britanikë”- tha zyrtari britanik.
Në një postim ne Facebook të Ambasadës ne Tiranë thuhet: “Gjykatësit, prokurorët dhe ekspertët britanikë dhe shqiptarë po kërkojnë mënyra të përmirësimit të Marrëveshjes për Transferimin e te burgosurve, mes Mbretërisë së Bashkuar dhe Shqipërisë”. Nderkohe theksohet se nga ana e zyrtareve britanike jane shqyrtuar 23 raste.
