Nga nëntori i vitit 2018 e deri më tani, rreth 1,600 njerëz në Korenë e Jugut janë filmuar fshehurazi në dhoma moteli.
Filmimet transmetoheshin online me pagesë në një website-i në të cilën kishte më shumë se 4 mijë ndjekës, shumë prej të cilëve paguanin rreth 45 dollarë në muaj për opsione shtesë, si për shembull të rishikonin video të caktuara të transmetuara më parë live.
Nga filmimet ishIN arritur të siguroheshin më shumë se 6 mijë dollarë, ndërsa në lidhje me skandalin deri më tani janë arrestuar dy persona dhe po hetohen disa të tjerë. Mediat vendase bënë me dije se u filmuan 42 dhoma në 30 motele në 10 qytete të ndryshme. Sipas policisë, nuk ka asnjë provë se bizneset ishin bashkëfajtore në krim ndërsa kamerat ishin fshehur në priza, dekodera digjitalë apo mbajtëse tharësesh. Besohet se ato janë vendosur nga persona që kishin akses në mirëmbajtjen e moteleve, kryesisht elektriçistë apo hidrualikë.
Kujtojmë se në fund të vitit që lamë pas, gjiganti mediatik CNN, ngriti shumë diskutime lidhur me sigurinë e privatësisë së klientëve në hotele, nisur nga proceset e divorcit që kishin nisur kur tradhtitë bashkëshortore ishin mësuar pikërisht nga të dhënat private të klientëve, të cilat në disa mënyra mund të bëheshin publike. /Opinion.al
