Dy anëtarë të kabinetit, ministrja e Energjisë, Belinda Balluku dhe ministri i Mjedisit, Blendi Klosi si dhe kreu i grupit të PS, Taulant Balla kanë shkuar sot në kanionin e Holtës në Gramsh aty ku është hapur kantieri për ndërtimin e HEC-it. Banorët e zonës dhe ambientalistët kanë kundërshtuar HEC-in pasi dëmtohet kanioni, një nga atraksionet më të vizituara nga turistës.
Zyrtarët e lartë po zhvillojnë një dëgjesë me banorët e zonës, dhe gjithçka transmetohet Live në ERTV.
Një nga banorët tha pse nuk keni ardhur këtu më parë?
Taulant Balla u përgjigj se firma duhet të kishte bërë prezantimin e projektit, por dhe ne kemi faj se në gjithë këto raste duhet të kishim përfshirë njerëzit në transparence. Ndërsa ministrja Balluku tha se për momentin punimet janë pezulluar dhe do të vendoset si do të procedohet më tej. Ajo tha se “ne jemi në mbrojtje të interesit të qytetarëve”.
Nga ana tjetër përfaqësuesi i firmës ndërtuese tha se kemi zbatuar pikë për pikë kontratën dhe nuk kemi dëmtuar mjedisin.
Kujtojmë se leja për këtë HEC-in është dhënë në korrik 2018 me firmën e Kryeministrit Edi Rama dhe ish-ministrit të Energjisë, Damian Gjiknuri. /Ri-De
*bashkengjitur leja për HEC-in
