Dy muaj përpara zgjedhjeve lokale qeveria “tregohet bujare” me të burgosurit. Ndërsa në dhjetor dyert e burgjeve nuk u hapën dhe asnjë nga të dënuarit nuk përfitoi nga falja e fundvitit, qeveria kërkon sërish votën në Parlament për amnistinë, këtë herë nga “opozita e re”.
Për të kaluar projektligji duhen 84 vota, por pavarësisht se ky numër plotësohet në Kuvend (me opozitën e re) një tjetër çështje ka pikëpyetje. Sa e ligjshme mund të jetë amnistia, kur Parlamenti nuk është i plotësuar me 140 deputetë?
Në dhjetor të 2018, Ministria e Drejtësisë parashikonte të lironte 900 të dënuar.
Projektligji i 2018-ës parashikonte lirimin e dënuarve deri në 3 vjet burgim, ose çdo lloj dënimi më të butë përfshi edhe dënimin me gjobë, pezullimet, si edhe atyre që u kanë mbetur dy vite heqje lirie.
Përjashtim nga ky propozim kishte për autorët e krimeve të rënda që nga grupet kriminale, ata që kanë kryer krime në familje, për veprat e terrorizmit dhe kundër autoritetit të shtetit.
E nëse do të miratohet amnistia, përfitim do të kenë ata që kanë kryer vepra penale të lehta dhe të trumbetura kaq fortë nga qeveria: si vjedhja e energjisë elektrike, ndërtimet e paligjshme etj…/Opinion.al
