Asambleja e personelit akademik të Fakultetit të Gjeologji Minierës, ka dalë ditën e sotme në disa vendime që lidhen në thelb me protestën e studentëve.
Vendimi i parë i Asamblesë së FGJM është shfuqizimi i Vendimit të Qeverisë për tjetërsimin e godinës aktuale së këtij fakulteti që ka kaluar në pronësi të Ministrisë së Drejtësisë.
Sipas Asamblesë ky vendim përbën një precedent të rrezikshëm për tjetërsim edhe të të tjerave godinave të Universiteteve Publike.
Asambleja e FGJM I ka lënë afat qeverisë 15 ditë kohë për anullimin e këtij vendimi.
Në kërkesën e dytë, Asambleja i ka kërkuar Qeverisë të ndryshojë ose të heqë Ligjin për Arsimin e Lartë, në solidaritet me të gjithë stafet e tjera akademike.
Ndërsa në pikën 5, Asambleja e FGJM, mbështet edhe protestën e studentëve, duke I përkrahuar ata në kërkesat e tyre.
