Nga data 2 prill, qeset plastike që përdoren kur blejmë ushqime do të jenë me pagesë. Kështu një qese e vogël do kushtojë 30 lekë (të vjetra) dhe një qese e madhe 50 lekë (të vjetra).
Kjo masë tha kreu i Bashkisë së Tiranës do të vendoset për të mbajtur pastër qytetin.
Veliaj nënshkroi me përfaqësuesit e shoqatës së supermarketeve marrëveshjen për kufizimin e përdorimit të qeseve plastike.
“Nga data 2 prill, qeset në supermarkete do të kenë një pagesë e cila pritet që të ulë dhe përdorimin e tyre nga qytetarët në Tiranë duke sjellë dhe eliminimin e një prej shkaktarëve kryesorë të ndotjes”, tha kryebashkiaku.
Sipas Veliajt, Tirana prodhon 100 tonë qese çdo muaj, të cilat janë të majftushme për të bllokuar kanalizimet apo për të ndotur lumenjtë.
Kjo nismë për momentin aplikohet vetëm në Tiranë. Në qytetet e tjera, qeset do të vazhdojnë të jenë falas në markete dhe pazar. /Opinion.al
