Ministri i Brendshëm Taulant Balla ka reaguar në rrjetet e tij sociale për vdekjen e shkrimtarit të madh Ismail Kadare.
Përmes një postimi në rrjete sociale, Balla shkruan se nuk do ta harroj kurrë mesazhin e fundit që mori prej tij para pak ditësh.
Ai thotë se kolosi i letërsisë botërore u nda sot nga vetëm fizikisht, ndërsa emri i tij dhe i Shqipërisë do të jenë bashkë përgjithmonë.
“Sa shumë herë na ka rënë rasti të takojmë të huaj kudo në glob dhe kur i jemi prezantuar se vij nga Shqipëria të na thonë: “ah qenkeni nga vendi i Ismail Kadaresë”.
Kolosi i letërsisë botërore u nda sot nga ne vetëm fizikisht, ndërsa emri i tij dhe i Shqipërisë sonë do të jenë bashkë përgjithmonë. Mirënjohje Ambasadorit të përjetshëm të Shqipërisë.
Nuk do ta harroj kurrë mesazhin e fundit të para pak ditësh prej tij, me disa rreshta, por më shumë mësime brenda. Kishim lënë të takoheshim për një kafe për ta vijuar atë mesazh”, shkruan Balla.
