Policia e Durrësit ka arrestuar dy të mitur pasi akuzohen për disa vepra penale. Mësohet se në pranga kanë rënë M. P., 17 vjeç dhe A. Gj., 15 vjeç, banues në Durrës.
Sipas informacioneve, më 7 gusht ata kanë thyer dhe më pas kanë vjedhur një dyqan ku kanë marrë 30 mijë lekë.
Ndërkohë, më 6 gusht ata kanë plagosur me thikë dy persona të cilët janë dërguar në spital ku janë jashtë rrezikut për jetën.
Sipas policisë ata ishin lënë në masën e sigurisë “Arrest në shtëpi”, por e kishin thyer atë duke dalë jashtë banesës.
Materialet i kaluan Prokurorisë së Rrethit Durrës, për veprat penale “Vjedhja”, “Plagosja e rëndë me dashje”, “Largimi i të burgosurve nga vendi i qëndrimit”./ Opinion.al
