Dy vëllezër janë shpallur në kërkim nga policia pasi janë konfliktuar me një shtetas për motive të dobëta dhe më pas njëri prej tyre qëlloi me armë zjarri në ajër.
Uniformat blu bëjnë me dije se ngjarja ka ndodhur rreth orës 19:00, në lagjen nr. 8, Korçë pas një konflikti për motive të dobëta.
Policia njofton se ka identifikuar2 vëllezërit dhe po vijojnë punën për kapjen e tyre.
“Më datë 10.08.2023, rreth orës 19:00, shërbimet e Policisë sapo kanë marrë njoftim se në lagjen nr. 8, Korçë, po ndodhte një konflikt midis disa shtetasve, kanë shkuar menjëherë në adresën e dhënë, ku ka rezultuar se vëllezërit Dh. D. dhe M. D.,për motive të dobëta ishin konfliktuar me shtetasin F. R.
Gjatë konfliktit dyshohet se njëri prej vëllezërve, ka qëlluar me armë zjarri në ajër dhe më pas janë larguar nga vendngjarja, sapo kanë konstatuar Policinë.
Policia ka identifikuar dhe shpallur në kërkim dy vëllezërit, ka rrethuar zonën dhe vijon ndjekjen me qëllim kapjen e tyre”, tha policia.
Grupi hetimor ndodhet në vendngjarje dhe po punon për sqarimin e plotë dhe dokumentimin e rrethanave të ngjarjes./Opinion.al
