Policia e Lezhës ka vënë në pranga një 66-vjeçar, i cili pas një konflikti çasti ka plagosur me thikë një 59-vjeçar.
Mësohet se ngjarja ka ndodhur rreth orës 21:00, në Shëngjin, pas një konflikti të çastit, ku shtetasi kosovar H. B. 66 vjeç, ka plagosur me thikë shtetasin S. B. 59 vjeç.
I dëmtuari është dërguar në Spitalin Rajonal Lezhë, për t’ju nënshtruar ndërhyrjes kirurgjikale.
Policia e Lezhës bëri të mundur kapjen dhe arrestimin e 66-vjeçarit, si autor i dyshuar si dhe sekuestroi në cilësinë e provës materiale i armës së ftohtë ( thikës) e dyshuar e përdorur nga autori.
Vijojnë veprimet hetimore nga grupi hetimor për zbardhjen e plotë të rrethanave të ngjarjes dhe dokumentimin ligjor të saj./Opinion.al
