Policia ka shpallur në kërkim autorin, i cili mbrëmjen e djeshme qëlloi me armë zjarri në drejtim të banesës së 34-vjeçarit V. B. në fshatin Kullë, në Manzë të Durrësit.
Uniformat blu bëjnë me dije se kanë identifikuar autorin si shtetasi H.H. 56-vjeç, banues në Tiranë.
Ky shtetas është shpallur në kërkim nga forcat policore, pasi mbrëmjen e djeshme ka qëlluar me armë zjarri në drejtim të një banese në fshatin Kullë.
“Rreth orës 20:30, të mbrëmjes së djeshme, sapo janë njoftuar se në drejtim të banesës së shtetasit V. B., 34 vjeç, në fshatin Kullë, ishte qëlluar me armë zjarri, shërbimet e Stacionit të Policisë Manzë kanë shkuar në vendngjarje, për të kryer veprimet e nevojshme hetimore dhe procedurale, me qëllim zbardhjen e rrethanave të rastit dhe kapjen e autorit.
Si rezultat i këtyre veprimeve u identifikua shtetasi H. H., 56 vjeç, banues në Tiranë, i cili u shpall në kërkim. Po punohet për kapjen e tij”, njofton policia.
Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Durrës, për veprime të mëtejshme./Opinion.al
