Është identifikuar personi i cili gjatë orëve të mbrëmjes qëlloi me armë zjarri në drejtim të një makine e cila drejtohej nga Eduart Pica në Lezhë.
Mësohet se personi i shpallur në kërkim nga Policia e Lezhës është identifikuar me inicialet E. Sh., banues në Lezhë.
Sipas informacioneve të deritanishme, E.Sh. ka qëlluar me armë ndaj të riut për motive të dobëta.
Po ashtu, Policia informon se ka sekuestruar mjetin tip “Benz”, me të cilin ka lëvizur autori pas atentatit.
Ndërkohë, bëhet me dije se Eduart Pica, tre vite me parë ka qenë i ndaluar për shkak të një aksidenti në Fushë-Krujë, ku humbën jetën dy persona.
Njoftimi i plotë i policisë:
Policia e Lezhës zbardhi dhe dokumentoi në kohë rekord ngjarjen e ndodhur mbrëmjen e djeshme, ku qëlluan me armë zjarri në drejtim të mjetit që drejtohej nga shtetasi E. P.
Identifikohet dhe shpallet në kërkim autori i dyshuar i kësaj ngjarjeje.
Shërbimet e Policisë gjetën dhe sekuestruan edhe mjetin tip “Benz”, me të cilin ka lëvizur autori.
Policia e Lezhës, menjëherë pas njoftimit të marrë për ngjarjen e ndodhur në lagjen “Nënë Tereza”, Lezhë, organizoi punën dhe falë reagimit në kohë dhe veprimeve të shpejta bëri të mundur identifikimin dhe shpalljen në kërkim të autorit të dyshuar, shtetasit E. Sh., banues në Lezhë.
Ky shtetas dyshohet se për motive të dobëta ka qëlluar me armë zjarri në drejtim të mjetit me drejtues shtetasin E. P.
Strukturat hetimore të DVP Lezhë, nën drejtimin e Prokurorisë së Rrethit Gjyqësor Lezhë, po vijojnë punën për dokumentimin e plotë të kësaj ngjarjeje.
Materialet hetimore i kaluan Prokurorisë së Rrethit Gjyqësor Lezhë, veprime të mëtejshme./ Opinion.al
