Një 46-vjeçar ka mbetur i plagosur me thikë ditën e sotme në Kasnicë të Patosit.
I plagosuri është identifikuar me inicialet P. S., banues në fshatin Kasnicë, ndërsa aktualisht ndodhet nën kujdesin e mjekëve.
Ende janë të paqarta shkaqet e plagosjes, ndërsa policia deklaron se ka identifikuar autorin dhe po punon për kapjen e tij.
Njoftimi i policisë
Sot rreth orës 12:20, në rrethana ende të paqarta, dyshohet se është plagosur me mjet prerës (thikë), shtetasi P. S., 46 vjeç, banues në fshatin Kasnicë, Fier, i cili ndodhet në Spitalin Rajonal Fier nën kujdesin e mjekëve.
Është identifikuar autori i dyshuar dhe po punohet për kapjen e tij. Grupi hetimor po punon për zbardhjen e plotë të ngjarjes./ Opinion.al
