Policia e Elbasanit ka arrestuar një 31-vjeçar pasi qarkullonte me armë zjarri në mjet, ndërkohë që në kërkim është shpallur shoferi.
Sipas informacioneve, arrestimi i të riut është bërë në lagjen “28 Nëntori” në Elbasan, ku Forcat e Posaçme “Shqiponja” i kanë bërë shenjë ndalimi mjetit tip “Fiat”, me drejtues shtetasin E. K. dhe pasagjer shtetasin J. Xh.
Pas shenjës për ndalim, këta persona nuk i janë bindur urdhrit, por janë larguar me shpejtësi dhe në ecje e sipër kanë hedhur nga dritarja e mjetit të tyre një send të fortë duke e dëmtuar mjetin e Policisë.
Në tentativë për t’u larguar kanë hedhur në rrugë dhe një armë zjarri pistoletë. Arma e zjarrit dhe një krehër me 7 fishekë është sekuestruar në cilësinë e provës materiale./ Opinion.al
