Presidenti rus Vladimir Putin ka reaguar për vdekjen e presidentit iranian Ebrahim Raisi.
Ai e ka konsideruar këtë të fundit si politikan të shquar, i cili gjithë jetën iu përkushtua atdheut të tij.
Irani është bërë një nga aleatët kryesorë politikë të Rusisë që kur Moska nisi ofensivën e saj në Ukrainë në vitin 2022, me Teheranin që furnizon teknologjinë thelbësore të dronëve.
“Raisi ishte një politikan i shquar, e gjithë jeta e të cilit iu kushtua shërbimit të atdheut të tij,” tha Putin.
“Si një mik i vërtetë i Rusisë, ai dha një kontribut të paçmuar personal në zhvillimin e marrëdhënieve të fqinjësisë së mirë midis vendeve tona dhe bëri përpjekje të mëdha për t’i çuar ato në nivelin e një partneriteti strategjik”, shtoi ai.
Udhëheqësi i Kremlinit tha se po i dërgonte ngushëllime Khameneit dhe popullit iranian “përballë një humbjeje kaq të rëndë dhe të pazëvendësueshme”.
Raisi u deklarua i vdekur të hënën pasi ekipet e shpëtimit gjetën helikopterin e tij të rrëzuar në një rajon malor perëndimor.
