Presidenti rus Vladimir Putin po mendon nëse do të marrë pjesë në takimin e tij të parë personal me liderët perëndimorë që kur forcat e tij pushtuan Ukrainën në vitin 2022, thotë një burim i Kremlinit për NBC News.
Putin ende nuk e ka përjashtuar mundësinë e paraqitjes personalisht në takimin e G20 të ekonomive të mëdha më 9-10 shtator në kryeqytetin indian, Nju Delhi, ka thënë një zyrtar i Kremlinit.
Presidenti rus do të dalë në skenën botërore pas një periudhe izolimi relativ të sjellë nga lufta në Ukrainë.
Putini është parë në Rusi me disa liderë ndërkombëtarë, si Lukashenko apo Xi Jinping dhe ka vizituar Kinën, Bjellorusinë apo vende të tjera të Azisë Qendrore të lidhura me Kremlinin. Por, ai nuk ka pasur asnjë takim jashtë vendit me presidentë perëndimorë, me të cilët ka pasur vetë disa biseda telefonike, si në rastin e Macron. Prania e tij në Indi do të ishte një pikë kthese dhe eksperti Alexey Maslov, nga Universiteti i Moskës, beson se ky hap “mund të jetë politikisht agresiv për Putinin”.
Një tjetër arsye për të shkuar në Nju Delhi do të ishte marrëdhënia e mirë e Putinit me Indinë.
“Ne e konsiderojmë Indinë si një fuqi të madhe me njerëz miqësorë dhe një histori të mrekullueshme të marrëdhënieve tona. Marrëdhëniet midis vendeve tona po zhvillohen me synimin për të ardhmen”, tha Putin, i cili mban marrëdhënie tregtare midis Rusisë dhe Indisë.
G20 përbëhet nga Australia, Kanadaja, Arabia Saudite, Shtetet e Bashkuara, India, Afrika e Jugut, Turqia, Argjentina, Brazili, Meksika, Franca, Gjermania, Italia, Kina, Indonezia, Mbretëria e Bashkuar, Japonia, Koreja e Jugut dhe Rusia./Opinion.al
