Kuvendi ka miratuar ditën e sotme emërimet e 5 ministrave të rinj si dhe shkarkimin e të vjetërve, pas emërimit nga kryeministri Rama dhe dekretimit nga Presidenti Begaj.
Pas përfundimit të votimit për këto ndryshime deputetët socialistë kanë uruar ministrat e rinj dhe kanë përshëndetur ata të cilët nuk do të jenë më pjesë e kabinetit qeveritar.
Ata janë fotografuar duke u puthur dhe përqafuar teksa kanë uruar njëri-tjetrin.
Me përjashtim të Erion Braces të gjithë deputetët socialistë votuan pro ndryshimeve në qeveri në nisje të këtij sesioni parlamentar.
Sot nuk u votua dekreti i Ministrit të Financave, por parlamenti votoi shkarkimin e Metes si kryetar i Bordit dhe Drejtor Ekzekutiv i Agjencisë së Mbikëqyrjes Financiare.
Dekreti si ministër i Financave pritet të votohet nga Parlamenti në seancën e së enjtes.
