Fotot e presidentit francez, Emmanuel Macron, duke përqafuar ministren e tij të Sporteve, Amelie Oudea-Castera, janë bërë virale në mediat sociale. Oudea-Castera, 46 vjeç, është parë duke puthur Macron-in në qafë. Fotot kanë bërë bujë në Francë dhe komentuesit e kanë konsideruar këtë skenë të turpshme. “Më duket e pahijshme kjo foto, nuk është e denjë për një president dhe një ministre”, ka komentuar një përdorues në X.
Fotoja u bë një temë e madhe diskutimi në mediat sociale, pasi revista franceze Madame Figaro e mbajti atë në faqet e para. Revista e cilësoi puthjen “të çuditshme” dhe pretendoi se Oudea-Castera i pëlqen të tërheqë vëmendjen te vetja.
Lojërat Olimpike të Parisit u hapën në një ceremoni spektakolare në lumin Senë. Parada pati 7500 konkurrentë që udhëtuan në një shtrirje prej gjashtë kilometrash në Senë me 85 varka. Ceremonia e hapjes u pa gjithashtu si një nxitje për Macron-in pas dy muajsh të trazuar që e detyruan atë të thërriste zgjedhje të parakohshme parlamentare.
