Ronaldo është tashmë në qendër të vëmendjes jo thjesht për suksesin, por edhe për vendimin e tij për t’u transferuar tek Juventusi. Largimi nga Spanja në Itali ka tërhequr vëmendjen e mediave dhe ndjekësve të futbollit, ndërkohë që ylli portugez ka përfituar nga stina e nxehtë për të shijuar disa ditë pushime me partneren e tij Georgina Rodriguez.
Në media është publikuar lajmi se në fund të qëndrimit, Ronaldo ka lënë 20 mijë euro bakshish për stafin që i ka shërbyer familjes së tij.
Mediat greke shkruan rreth këtij fakti, ndërsa theksuan se veçanërisht futbollisti kishte vlerësuar privatësinë që i ishte siguruar nga hoteli duke e mbajtur larg paparaceve.
Partnerja e tij Georgina ka publikuar në rrjetet sociale edhe fotot e nxehta nga qëndrimi në Greqi, ndërkohë që Ronaldo është larguar më pas drejt Italisë ku është paraqitur tek Juventusi për kontrollin shëndetësor.
