Policia greke ka arrestuar një 28-vjeçar shqiptar, i cili u kap duke transportuar dy pako me 25 kg marijuanë.
Mësohet se në pranga ka rënë shtetasi Mario Guxo.
I riu shqiptar kishte tërhequr pranë kompanisë “Fedex” pakot të mbërritura me emrin e Joanis Paraskeopulos, kartë identiteti greke false.
Dyshohet se Guxo e kryente këtë aktivitet prej disa muajsh dhe ka mundur të shmange kontrollet doganore në disa raste.
28-vjeçari ka lindur në Athinë dhe punonte si DJ në lokale të ndryshme të kryeqytetit grek. Ai e shpërndante drogën në lokalet që punonte./Opinion.al
