Një 43 vjeçar shqiptar u gjet i vrarë me armë zjarri në Janinë. Ngjarja u raportua mbrëmë nga mediat greke, ndërsa sot dalin të tjera detaje. Policia greke thotë se pas sinjalizimeve nga banorët, ka gjetur në fshatin Kiparisia, në një zonë bujqësore pranë kufirit greko-shqiptar trupin e pajetë të një burri. Ai është identifikuar si 43 vjeçari Pandeli Sela, 43 vjeç. Nga hetimet paraprake, rezulton se ai është qëlluar me 3 plumba. Pandeli Sela ishte denoncuar në polici si i humbur nga familjarët e tij.
Fotot e mëposhtme tregojnë pikërisht vendin ku u gjet trupi i pajetë i 43-vjeçarit.
Shqiptari ka punuar si bari në këtë zonë, ndërkohë grupi hetimor në Janinë ka nisur punën për të zbardhur plotësisht këtë ngjarje, ndërsa autorët dhe motivet ende nuk janë zbuluar. /Opinion.al
