Një video është bërë virale në rrjete sociale, pasi një punëtor në një fabrikë të birrës në Kinë është filmuar duke urinuar brenda depozitës së birrës.
Fabrika kineze e birrës Tsingtao ka hapur një hetim të brendshëm pas videos e cila ka marrë miliona shikime në internet.
Kompania thotë se pasi u vu në dijeni të kësaj video, lajmëroi menjëherë policinë për hetime, ndërsa depozita me përbërësit e birrës është mbyllur.
“Kompania i kushton rëndësi të madhe raporteve të medias dhe e ka raportuar çështjen tek autoritetet e sigurisë publike në rastin e parë,” tha Tsingtao në një deklaratë.
“Autoritetet e sigurisë publike janë aktualisht të përfshira në hetim”, shtoi ajo.
Tsingtao tha se incidenti nuk e ka ndërprerë prodhimin e kompanisë.
Video, e cila u bë virale, tregon një burrë me uniformë dhe kapele duke u ngjitur në një enë që besohet se mban përbërës të papërpunuar për birrën dhe urinon brenda saj.
Kompania “Tsingtao” është një nga prodhuesit më të mëdhenj të birrës në Kinë, por njëkohësisht edhe një nga eksportuesit më të rëndësishëm. Aksionet e kësaj kompanie ranë ndjeshëm në Bursën e Shangait, pas publikimit të kësaj videoje./Opinion.al
Man Caught Urinating into Tank at Chinese Tsingtao Beer Warehouse.
This video was first shared on Chinese social media, which allegedly shows a man, in uniform, urinating into a tank where Tsingtao’s beer is apparently produced. The company has contacted authorities and is… pic.twitter.com/ej1klgk9uc
— Brian Krassenstein (@krassenstein) October 23, 2023
