Italia po i thotë lamtumirë një prej protagonistëve të politikës: Silvio Berlusconi ndërroi jetë sot më 12 qershor 2023 në spitalin San Raffele në Milano. Ish-kryeministër, sipërmarrës dhe sundimtar në botën e futbollit, ai lindi në Milano më 29 shtator 1936. Nga karriera e tij politike në çështjet ligjore, duke kaluar nëpër jetën private, familjen, sportin, TV, skandalet ja historia e tij”
Berlusconi ka lindur në Milano. Ishte djali i madh i një familjeje milaneze të klasës së mesme, ai ka një vëlla (Paolo) dhe një motër (Maria Antonietta) që vdiq në vitin 2009. Babai i tij Luigi punonte në bankë, nëna e tij Rosa kishte punuar si sekretare në Pirelli përpara se të bëhej një amvise.
STUDIMET – Pasi mbaroi shkollën e mesme në gjimnazin Sant’Ambrogio Salesian në Milano, Berlusconi u regjistrua për drejtësi në universitetin shtetëror. U diplomua me rezultate të larta në vitin 1961.
JETA PRIVATE – Berlusconi ishte martuar dy herë. Në vitin 1965 u martua me Carla Elvira Lucia Dall’Oglio, me të cilën pati dy fëmijë: Marina në 1966 dhe Pier Silvio në 1969. Në vitet 1980 u takua me aktoren Veronica Lario në Teatrin Manzoni në Milano: në 1985 ai u divorcua nga gruaja e tij e parë dhe zyrtarizoi lidhjen me Veronikën. Martesa e dytë erdhi në vitin 1990, pas lindjes së 3 fëmijëve: Barbara (1984), Eleonora (1986) dhe Luigi (1988). Në vitin 2012 vjen ndarja.
E dashura-Që nga viti 2020, Silvio Berlusconi ka qenë i lidhur me deputeten e Forza Italia, e lindur në vitin 1990, Marta Antonia Fascina. Të dy, në shtator të të njëjtit vit, rezultuan pozitivë me koronavirus dhe ish-kryeministri u shtrua në spital për rreth dhjetë ditë në San Raffaele për analiza. Më pas gjendja shëndetësore e tij erdhi duke u përkeqësuar.
Ish partnerja – Përpara Marta Fascinës, Berlusconi ishte fejuar me Francesca Pascale, e lindur në vitin 1985, nga Napoli. Lidhja u zyrtarizua në vitin 2012. Më 5 mars 2020, një shënim nga Forza Italia shpalli zyrtarisht ndarjen.
HAPAT E PARË NË BIZNES: NDËRTIMI – Pas punëve të herëpashershme si banakier, fotograf, shitës i fshesave elektrike, këngëtar dhe argëtues në anijet turistike, Berlusconi hedh hapat e tij të parë në ndërtim. Kompania e tij e parë, e themeluar në vitin 1961, quhet “Cantieri Riuniti Milanesi Srl”. Më pas erdhën kompanitë e tjera të ndërtimit.
PERANDORIA Botuese – Pas ndërtimit, Berlusconi zgjeron aktivitetin e biznesit të tij duke përfshirë komunikimin. Në fund të viteve 70 ai mori përsipër Telemilanon, e cila pak vite më vonë u bë Canale 5. Fininvest, lindi në 1978, dhe është kompania Holding që koordinon të gjitha aktivitetet. Në vitin 1993 lindi kompania e prodhimit multimedial Mediaset.
MILANI –Si adhurues i sportit, Berlusconi bleu Milanin në vitin 1986. Fillimisht si president, pastaj si zvendës/president klubi nën drejtimin e tij fitoi 8 tituj në ligë dhe 5 të Ligës të Kampinëve gjithsej 28 trofe në 30 vjet. Në prill 2017, ai ia shiti klubin sipërmarrësit kinez Li Yonghong.
MONZA – Më shumë se një vit pas shitjes së Milanit, Berlusconi merr përsipër Monzën. Me të është edhe Adriano Galliani, i cili emërohet drejtor menaxhues i klubit. Në sezonin 2021-2022, skuadra merr promovimin e parë historik në Serie A në historinë e saj.
POLITIKA – Në 1994 Berlusconi themeloi partinë e qendrës së djathtë Forza Italia, e cila u bashkua në Il Popolo della Libertà në 2008 dhe më pas u rithemelua në 2013. Në 1994 u transmetua në TV deklarata e famshme që shënon fillimin e karrierës së tij politike “Italia është vendi që dua…” Berlusconi mbajti postin e kryeministrit të Italisë në 4 qeveri.
Ai u largua nga detyra e kryeministrit në vitin 2011 pasi mbi të u ngritën disa akuza penale që përshinin evazionin fiskal. Një tjetër akuzë mbi ish-kryeministrin Italian lidhet me çështjen Bunga-Bunga ku Berlusconi akuzohej se paguar një prostitute 17-vjeçare për të kryer marrëdhënie seksuale me të. Në një betejë ligjore disa vjeçare kreu i “Forca Italia” u shpall I pafajshëm pasi sipas provave ai nuk inte se kishte të bënte me një minorene. Në shkurt të vitit 2023 Berluconi doli i pafajshëm edhe nga akuzat se kishte paguar rreth 24 dëshmitarë që të jepnin dëshmi të rreme në Gjykatë mbi festat e tij të shfrenuara që njihen me termin “Bunga Bunga”.
Proceset gjyqësore – Janë mbi 30 procese gjyqësore kundër Berlusconit. Disa janë ende në vazhdim, të tjerët kanë përfunduar. Vetëm në një rast ai u dënua përfundimisht: më 1 gusht 2013, Kasacioni konfirmoi 4 vitet (3 prej të cilave të falura) për mashtrim tatimor në gjyqin Mediaset. Dënimin Berlusconi e ka vuajtur me shërbime sociale për një vit në një shtëpi të moshuarish.
GRATË DHE SKANDALET – Në vitin 2009, Berlusconi mori pjesë në festën e ditëlindjes së Noemi Letizia, një 18-vjeçare nga Casoria. Më vonë El Pais publikoi fotot e vitit 2008 të disa vajzave në Villa Certosa (Noemi, e mitur në atë kohë, gjithashtu kishte marrë pjesë në festa). Eskorta Patrizia D’Addario tregon se ka kaluar netë me pagesë me Berlusonin në Palazzo Grazioli. Lista e të rinjve që do të kishin marrë pjesë në festa është e gjatë. Berluskoni gjithmonë i ka mohuar akuzat./Opinion.al
