Zëvendëskryeministrja, njëherësh Ministre e Infrastrukturës dhe Energjisë, Belinda Balluku ka inspektuar nga afër ditën e sotme ecurinë e punimeve në lotin e 3 të aksit Elbasan-Qafë Thanë, pjesë e Korridorit VIII.
Gjatë inspektimit ajo ka thënë se përmes kësaj rruge synohet të krijohet një dalje e re në Maqedoninë e Veriut, e cila pritet të realizohet përmes një tuneli.
“Ndërkohë që po ndërtojmë segmentin e parë dhe të dytë të Korridorit të VIII që nis në Elbasan dhe përfundon në Qafë Thanë, praktikisht do të shkojmë direkt në daljen e re që e kemi dizejnuar dhe kemi dakordësuar me palën e Maqedonisë së Veriut. Me Autoritetin Rrugor atje dhe me Ministrinë e Infrastrukturës pasi synimi është të kemi një dalje totalisht të re e cila do të lidhë Shqipërinë dhe Maqedoninë e Veriut me një tunel dhe do të jeni afër urës së Bushtricës”, shprehet Balluku.
Ndër të tjera, Balluku ka theksuar se me Bypass-in e Elbasanit do të kemi shumë benefite, siç është ai kryesori, zhvillimi i ekonomisë.
“Duhet të kemi parasysh që në momentin që ne flasim këtu ka reshje dhe nuk jemi në kushtet atmosferike më të mira.
Ajo që është e rëndësishme dhe që duhet thënë, është që tashmë ne kemi një ndihmë për Portin e Durrësit dhe Portin e Strugës. Tashmë Bypass-i i Elbasanit ka një sër benefitesh, për shembulli, nuk mund të ndërtohet Formula 1, pasi jeni në përfundim sepse kemi mbyllur kontratat të gjitha”, tha ndër të tjera ministrja./Opinion.al
