Zona rreth “Rrugës së Elbasanit” ka mbetur pa energji elektrike si pasojë e një defekti të ndodhur gjatë punimeve në rrjetin elektrik.
Punimet për hapjen e kolektorit në “Rrugën e Elbasanit” kanë disa ditë që kanë bërë që qarkullimi i automjeteve në një pjesë të sajë të bëhet me një korsi duke vështirësuar trafikun. Gjithashtu në zonë janë raportuar edhe ndërprerje të furnizimit me ujë për disa orë, ndërsa sot OSHEE ka njoftuar se “Si pasoje e dëmtimit te kabllit tension i mesëm 20kV fideri L16 nga puninet për hapjen e kolektorit te “Rruga e Elbasanit” kanë mbetur pa energji elektrike zonat rreth “Rrugës së Elbasanit”, fakulteteve, etj”
Në njoftimin e saj OSHEE nuk jep informacion se kur do të kthehet energjia elektrike por thekson se po punohet për riparimin e rrjetit. /Opinion.al
