Bie nga pallati në ndërtim, vdes punëtori i huaj në Tiranë. Inxhinieri i firmës së ndërtimit, pas ngjarjes së ndodhur është arrestuar nga uniformat blu të Tiranës.
Gjithashtu janë shpallur në kërkim administratori i firmës dhe drejtuesi teknik.
Sipas njoftimit të policisë, ata dyshohen për “shkelje e rregullave të mbrotjes në punë”.
“Specialistët për Hetimin e Krimeve të Komisariatit të Policisë Nr. 2 arrestuan shtetasin D. H., 32 vjeç, me detyrë inxhinier i një firme ndërtimi, si dhe shpallën në kërkim shtetasit E. K., 34 vjeç, me detyrë administrator i firmës, dhe R. J., 75 vjeç, me detyrë drejtues teknik, pasi dyshohet se si pasojë e shkeljes së rregullave të mbrojtjes në punë, ditën e djeshme ka rënë nga lartësia e një pallati në ndërtim shtetasi i huaj V. N., 47 vjeç, i cili për pasojë ka humbur jetën. Punohet për kapjen e dy shtetasve të shpallur në kërkim”, njofton policia.
Kujtojmë se ngjarja ndodhi ditën e shtunë (31 maj), në rrugën “Brigada VIII” në Tiranë, ku gjatë punës në një pallat në ndërtim, ka rënë nga lartësia dhe ka humbur jetën punëtori, shtetasi i huaj V. N., rreth 48 vjeç nga Bosnje-Hercegovina.
