Policia e Vlorës ka arrestuar dy persona pas aksidentit me vdekje të ndodhur në një pallat në ndërtim në zonën e Ujit të Ftohtë.
Për vdekjen e 60-vjeçarit, policia arrestoi bashkëpronarin e pallatit, M.H. 70 vjeç, për veprën penale “Ndërtimi i paligjshëm” me pasoja të rënda, me qëllim fitimi, pasi nga verifikimet e kryera ka rezultuar se punimet në këtë pallat po kryheshin pa lejen e organeve kompetente.
I arrestuar është edhe administratori dhe drejtuesi teknik i firmës, A.K. 53 vjeç, për veprat penale “Ndërtimi i paligjshëm” me pasoja të rënda, me qëllim fitimi dhe “Shkelja e rregullave të mbrojtjes në punë”.
Materialet procedurale i kaluan Prokurorisë, për veprime të mëtejshme hetimore.
