Dy ditë më parë, akademiku Artan Fuga shkruante në facebook se “këtu nuk ka punë dhe dalin ca mashtruesa ordienerë, plehra, që thonë se punë ka por rinia është dembele”.
“Pune ka ndonjëherë, por ato janë për skllevër, në miniera si të kohës të Mbretëreshës Teuta, në gurore si ato ku u revoltua Spartaku dhe filloi kryengritjen e skllevërve, në bujqësi ku duhet të prashishës qepërt e gjyshit me pirunj të kohës të bronxit. Pse budalla është një i ri dhe e re që pasi ka bërë masterin të shkojë të punojë si skllav për dy lekë, pa asnjë të ardhme”, shkruante Fuga.
Ky koment kritik i Fugës duket se i ka djegur Kryeministrti Rama, që dha këtë koment nga një aktivitet për punësimin:
I përbuz dhe neveris të ashtuquajturit profesorë që thonë se këto nuk janë punë për shqiptarët.Sehirxhinjtë, profesorët, kontestatorët duhet ta dinë se punonjësit që paguanin taksat ishin 400 mijë në vitin 2013, ndërsa sot janë mbi 600 mijë.
