Një aksident është regjistruar këtë të enjte rreth orës 12:15, në fshatin Hadroj në Pukë. Policia bën me dije se për shkak të lagështirës nga shirat, ka dalë nga rruga dhe ka rënë në ujërat e lumit Fan, automjeti me drejtues shtetasin Z. N., 60 vjeç dhe ku ishte pasagjer, djali i tij, shtetasi N. N., 24 vjeç.
Efektivët kanë bërë të mundur nxjerrjen e 2 shtetasve. Ata janë transportuar në spitalin e Pukës, ku po marrin ndihmë mjekësore dhe janë jashtë rrezikut për jetën
Grupi hetimor vijon të punojë për të zbardhur shkakun e aksidentit.
