Është publikuar videoja në momenti i grabitjes me armë të pikës së këmbimit valutor në zonën e Astirit.
Një person i maskuar dhe me pistoletë në dorë futet në pikën e këmbimit valutor dhe u drejton armën dy punonjëseve, madje njërën prej tyre e godet me grushte në pjesën e shpatullës.
Më pas ai ka marrë një shumë të konsiderueshme dhe i fsheh në trup.
Ndërkohë, duke i kërcënuar me armë, ai kontrollon sirtarët për të tjera para, ndërsa një prej vajzave ulet përtokë e frikësuar.
Pasi merr paratë, autori, që është veshur me kostum të zi dhe në fytyrë mban një maskë anti-covidi, largohet me shpejtësi nga vendngjarja.
