Një video po qarkullon orët e fundit në rrjetet sociale, e cila tregon vrasjen gjakftohtë të aktivistit dhe poetit amerikan Ryan Carson nga një i panjohur në një rrugë të Nju Jorkut .
Siç shihet në pamje, viktima është ulur në një stol dhe bisedon me partneren e tij. Pak metra para tyre, një burrë fillon të godasë pa ndonjë arsye të dukshme patinat e parkuara pranë trotuarit. Papritur, i tërbuar, ai kthehet në anën e 32-vjeçarit dhe e pyet atë “Çfarë dreqin po shikon?”
Më pas aktivisti i përgjigjet “Nuk po shikoj asgjë” dhe kalon mes të dashurës së tij dhe burrit të tërbuar, i cili fillon t’u afrohet duke e kërcënuar.
“Do të të vras!”, kërcënon burri i tërbuar, ndërsa aktivisti i lutet të qetësohet. Sulmuesi më pas fillon ta ndjekë aktivistin, duke e kërcënuar me një thikë. Ndërsa largohet për të shpëtuar, aktivisti bie në stolin ku ishte ulur më parë dhe sulmuesi i kap xhaketën dhe e hedh në tokë, duke e goditur disa herë me thikë në gjoks.
Pas ngjarjes vrasësi fillon të largohet me shpejtësi, ndërkohë e dashura së bashku me një kalimtare telefonojnë ambulancën. Sipas policisë, kjo grua duket se e ka njohur autorin.
Sulmi vdekjeprurës ndodhi herët të hënën e kaluar në Lafayette Avenue, ku çifti kishte zbritur nga metroja gjatë kthimit nga një martesë, tha policia.
Pasditen e së martës nuk kishte asnjë të arrestuar për krimin e rëndë, megjithatë autori është në kërkim./Opinion.al
Hey bro just like chill out bro I’m on your side bro go attack the magats bro bro bro noooooo
— Cernovich (@Cernovich) October 3, 2023
