Janë publikuar poamjet nga aksioni i policisë për arrestimin e kreut të grupit kriminal në Shijak, Astrit Avdyli.
Siç shihet edhe nga pamjet, forcat e policisë dalin nga automjetet e tyre dhe rrethojnë banesën, disa prej tyre futen nga porta kryesore dhe disa të tjerë pozicionohen pas banesës.
Arrestimi i tij u bë në banesën e tij, ndërsa në momentin që ra në pranga 50-vjeçari ishte i armatosur. Astrit Avdyli ishte në kërkim në kuadër të operacionit të koduar “Revanshi”.
Për arrestimin e tij, ka reaguar edhe ministri i Brendshëm Taulant Balla nëpërmjet një postimi në rrjetet sociale.
Balla shkruan se “arratia nga përballja me drejtësinë po merr përgjigjen e duhur çdo ditë”.
“Arratia nga përballja me drejtësinë po merr përgjigjen e duhur çdo ditë. Përgëzime Drejtorisë Vendore të Policisë Durrës dhe RENEA për gjetjen dhe ndalimin e një shtetasi të kërkuar nga drejtësia në Shijak. Mbështetja për Policinë e Shtetit dhe rritja e bashkëpunimi me agjencitë ligjzbatuese brenda dhe jashtë vendit po konsolidon revanshin e sundimit të ligjit kundër krimit të organizuar”,-shkruan Balla./Opinion.al
