Janë publikuar përgjime të reja të bisedave të zhvilluara mes Hermes Nikajt, i njohur ndryshe si “Zogu i Tiranës” dhe vajzave të cilat ishin përfshirë në një rrjet prostitucioni.
Teksa ka kaluar natën me një punonjëse policie dhe pesë persona të tjerë në një nga hotelet e Tiranës, Nikaj bisedon në mesnatë me punonjësen D.B, ku kjo i premton pjesën e parave.
Gjatë bisedës, punonjësia e policisë i thotë “Zogut të Tiranës” që një nga djemtë që ndodheshin në hotel, e kishte marrë në telefon në mesnatë, duke i pohuar se nëse nuk e zinte gjumi do i shkonte në shtëpinë e saj, pranë prokurorisë së Tiranës, ndaj ta mbante telefonin hapur.
Në 2 gusht 2019, agjentët e policisë kanë konstatuar se Hermes Nikaj ka dalë nga shtëpia dhe hipën në një automjet tip “Benz A Class”, ku drejtuese e mjetit ishte një vajzë. Nga ana e policisë ajo është identifikuar shumë shpejt, dhe kjo vajzë ishte punonjësja e policisë së Tiranës, me inicialet D.B. Në orën 21:05, automjeti ku udhëtonin këta dy persona dhe që po ndiqej nga policia, hyn në rrugën dytësore të autostradës Tiranë-Durrës dhe futet në ambientet e një lokali..
Pasi parkuan automjetin, punonjësja e policisë dhe Hermes Nikaj, u futën brenda hotelit. Pasi kanë qëndruar 3 orë e 30 minuta në hotel, fiks në orën 01:20 agjentët e policisë kanë konstatuar se nga ambientet e brendshme të këtij hoteli kanë dalë Hermes Nikaj së bashku me punonjësen e policisë D.B. Bashkë me ta, kanë dalë njëherësh dhe 5 meshkuj të moshave të ndryshme që varionin nga 35 deri në 50 vjeç.
Të shtatë personat janë ndarë në dy makina dhe më pas u larguan në mesnatë në drejtim të një klubi nate. Të shtatë personat hyjnë në club dhe dalin në orën 02:40, duke u larguar me makina secili në banesën e vetë. Fill pasi janë ndarë Hermes Nikaj, në orët e para të datës 3 gusht 2019 telefonon punonjësen e policisë D.B dhe mes tyre zhvillohet kjo bisedë:
Zogu:Vajte në shtëpi zemër
D.B: Vajta në shtëpi, më mori në telefon ai. E më tha arrite në shtëpi o shpirt? Po i thashë. Tha, po s’më zuri gjumi të bëj telefon më vonë. Mirë i thashë, telefonin po e mbaj hapur i thashë. Po e din kodin tim i thashë okej, në rregull në rregull më tha.
Zogu: Mirë shpirti po flej gjumë
D.B: Nëse ashtu, ti flej gjumë nesër në mëngjes të tregoj çdo gjë. Mirë jeta ime.
Zogu: Hajt
D.B: Çao jetë
Ndërkohë pasi kanë fjetur në mëngjes në orën 09:47 punonjësja e policisë D.B ka telefonuar Hermes Nikaj dhe mes tyre zhvillohet kjo bisedë si më poshtë.
Zogu: Ça po bën
D.B: U zgjova nga gjumi dhe po më dhemb koka shumë
Zogu: Edhe mua
D.B: Edhe sa po zbrisja vetëm kur erdhi ajo që të thashë mbrëmë
Zogu:Eeee.
D.B: Ja tani sa po zbrisja të merrja diçka. E lashë aty në shtëpi, por po e fika telefonin besoj se e kupton ti shpirt
Zogu: Mirë
D.B: Besoj e kupton, po e fik mos më ngacmojë njeri. Ndërsa për pjesën, do flasim nga afër për një pjesë tjetër, mirë shpirto
Zogu: Mirë
D.B: Për atë letrën që të lashë në gjysëm mbrëmë
Zogu: Mirë./ Përgjimet janë publikuar nga Shqiptarja.com dhe te plotë e gjeni KËTU
