Videoja e mëposhtme tregon momentet e hedhjes së lëndës plasëse në një lokal pranë zonës industriale në qytetin e Shkodrës.
Sikurse duket në pamjet e publikuara nga Klan News, janë dy persona të cilët hedhin lëndën plasëse në hyrje të këtij biznesi, ku është thyer xhami i lokalit.
Policia bëri me dije më herët se lënda plasëse e hedhur para derës së këtij lokali është amonit malor i prodhuar në mënyrë artizanale.
Ka qenë vetë pronari i biznesit që ka konstatuar dëmet materiale sot në mëngjes rreth orës 05:50 kur ka shkuar për të hapur lokalin.
Ndërkohë kanë nisur hetimet per identifikimin dhe kapjen e autorëve.
