Ministrja e Arsimin Ogerta Manastirliu ka bërë të ditura datat e provimeve të Maturës Shtetërore 2024.
Në një postim në rrjetet sociale ajo bën me dije se më 3 qershor do të zhvillohet provimi i gjuhës së huaj, më 10 qershor provimi i Gjuhës Shqipe dhe Letërsisë, më 18 qershor provimi i Matematikës dhe më 24 qershor provimi i lëndëve me zgjedhje.
Ndërsa provimi teori profesionale e integruar për Maturën Shtetërore Profesionale do të jetë më 24 qershor.
Për orientimin dhe përgatitjen e maturantëve, testet model për provimet e ardhshme, ndryshe nga vitet e shkuara, do të shpërndahen në shkolla që në muajin janar të vitit të ardhshëm./Opinion.al
